ოკუპანტების მიერ აკრძალული კასეტური საბრძოლო მასალით და არაზუსტი რაკეტებით დაბომბვას ხარკოვში ასობით მშვიდობიანი მოქალაქის სიცოხლე ემსხვერპლა,- ამის შესახებინფორმაციას ორგანიზაცია Amnesty International ავრცელებს.

ვრცელი გამოძიების დროს, Amnesty International-მა აღმოაჩინა მტკიცებულება იმისა, რომ რუსული ძალები არაერთხელ იყენებდნენ 9N210/9N235 კასეტურ ბომბებს, ასევე გაფანტულ ნაღმებს, რომლებიც ექვემდებარება საერთაშორისო ხელშეკრულებით აკრძალვებს მათი განურჩეველი ეფექტის გამო.

„ხარკოვის მოსახლეობა ბოლო თვეების განმავლობაში თავდასხმების დაუნდობელ ქარს წააწყდა, რის შედეგადაც  ასობით მშვიდობიანი მოქალაქე დაიღუპა და დაშავდა“, - თქვა დონატელა როვერამ, Amnesty International-ის კრიზისებზე რეაგირების უფროსმა მრჩეველმა.

მისი თქმით, ადამიანებს საკუთარ სახლებში, ქუჩებში, სათამაშო მოედნებზე, სასაფლაოებზე, ჰუმანიტარული დახმარების რიგში დგომისას ან საკვებისა და მედიკამენტების შესყიდვისას კლავენ.

„საყოველთაოდ აკრძალული კასეტური საბრძოლო მასალის განმეორებითი გამოყენება შოკისმომგვრელია და კიდევ ერთხელ მიუთითებს მშვიდობიანი მოსახლეობის სიცოცხლის უგულებელყოფაზე. რუსეთის ძალებმა, რომლებიც პასუხისმგებელნი არიან ამ საზარელ თავდასხმებზე, პასუხი უნდა აგონ თავიანთ ქმედებებზე, ხოლო დაზარალებულებმა და მათმა ოჯახებმა უნდა მიიღონ სრული რეპარაცია”,- აღნიშნულია Amnesty International-ის განცხადებაში.

ამასთან, ხარკოვის რეგიონალური სამხედრო ადმინისტრაციის სამედიცინო დეპარტამენტის დირექტორმა Amnesty International-ს განუცხადა, რომ კონფლიქტის დაწყების შემდეგ ხარკოვის რეგიონში 606 მშვიდობიანი მოქალაქე დაიღუპა და 1248 დაშავდა.

შეგახსენებთ, რომ  24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

ავტორი: ექსპრესნიუსი,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს