ჯანდაცვის სამინისტროს ინფორმაციით, საგანგებო სიტუაციების კოორდინაციისა და გადაუდებელი დახმარების ცენტრის თანამშრომლებმა ტრენერთა გადამზადების კურსი გაიარეს.

უწყების ცნობით, ტრენინგი, „ASB საქართველოს“ ინიციატივითა და ორგანიზებით, ბათუმში გაიმართა და მას საქართველოდან და სომხეთიდან შერჩეული მონაწილეები დაესწრნენ.

„პროგრამის მიზანი სხვადასხვა ტიპის კატასტროფების, ბუნებრივი კატაკლიზმების და სტიქიური უბედურების დროს გადაუდებელი დახმარების ჯგუფების რეაგირების გაძლიერებაა.

კურსის გავლის შემდეგ, გადამზადებული ინსტრუქტორები გადაუდებელი დახმარების სამედიცინო ჯგუფებისთვის ტრენინგ პროგრამების ჩატარებას, საერთაშორისო გადაუდებელი დახმარების გუნდის მობილიზების, აღჭურვის, სამედიცინო რეაგირების და დემობილიზაციის შესახებ სწავლებას თავად შეძლებენ.

კურსს შვეიცარიიდან მოწვეული ტრენერები უძღვებოდნენ, რომლებსაც გადაუდებელი სიტუაციებისთვის, სხვადასხვა სამიზნე ჯგუფის მომზადების მრავალწლიანი გამოცდილება აქვთ.

სასწავლო კურსი პროექტის „ერთად შევძლებთ - თანამშრომლობა გადაუდებელი სიტუაციებისას საქართველოსა და სომხეთში” ფარგლებში ჩატარდა, რომელიც ევროკომისიის სამოქალაქო უსაფრთხოებისა და ჰუმანიტარული დახმარების გენერალური დირექტორატის (DG ECHO) მიერ არის დაფინანსებული,“ - აღნიშნულია გავრცელებულ ინფორმაციაში.

ავტორი: NS (სტატია დაფინანსებულია),

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს