2022-06-06 10:26:10, 1705 ნახვა
ომი უკრაინაში
დიდი ბრიტანეთი უკრაინას M270 მრავალჯერადი გაშვების სარაკეტო სისტემებს გაუგზავნის
რუსეთის მხრიდან არსებული საფრთხეების მიუხედავად, დიდი ბრიტანეთი უკრაინაში დისტანციური რაკეტების პირველ პარტიას აგზავნის. ამის შესახებ BBC იუწყება.
მედიის ცნობით, დიდი ბრიტანეთის მთავრობას იარაღის რაოდენობა არ დაუზუსტებია, თუმცა სავარაუდოდ უკრაინაში სამი სისტემა გაიგზავნება.
" M270 მრავალჯერადი სარაკეტო სისტემა დაეხმარება უკრაინას დაიცვას თავი რუსეთის წინააღმდეგ,"- განაცხადა თავდაცვის მდივანმა ბენ უოლასმა.
გავრცელებული ინფორმაციის თანახმად, გადაწყვეტილება კოორდინირებული იყო შეერთებულ შტატებთან, რომელმაც გასულ კვირას განაცხადა, რომ უკრაინას სარაკეტო სისტემას გადასცემს.
ავტორი: ექსპრესნიუსი,
epn.ge (@expressnews.ge)
