ოპოზიციური პარტიის ლიდერებმა დღეს პარლამენტში ერთობლივი ბრიფინგი გამართეს და ევროკავშირის წევრობის კანდიდატის სტატუსის მისაღებად „7 ნაბიჯის ნუსხა“ გაასაჯაროვეს.

ბრიფინგი "ერთიანმა ნაციონალურმა მოძრაობამ", პარტია "ლელომ" და "სტრატეგია აღმაშენებელმა" გამართეს.

ლიდერების თქმით, „7 ნაბიჯის ნუსხა“ აერთიანებს იმ კონკრეტულ ამოცანებს, რომელთა შესრულებაც მომდევნო 3 კვირის განმავლობაში პრინციპულად მნიშვნელოვანია იმისთვის, რომ ევროპამ მიიღოს გადაწყვეტილება საქართველოსთვის წევრობის კანდიდატის სტატუსის მისანიჭებლად.

“მსგავსი უნიკალური შესაძლებლობის ხელიდან გაშვება ნიშნავს, რომ საქართველოს ევროინტეგრაცია კიდევ ათწლეულები გადავადდება. სწორედ ახლა, ამ უახლოეს კვირეებში უნდა ვაჩვენოთ ევროკავშირს, რომ საქართველო მზადაა გადამწყვეტი ნაბიჯი გადადგას, ევროპასთან დასაახლოებლად და ძირეული რეფორმების განსახორციელებლად”,- განაცხადეს ლიდერებმა.

 „7 ნაბიჯის ნუსხას“ აერთიანებს შემდეგ კრიტერიუმებს:

• ოპოზიციის მიერ ერთობლივად შემუშავებული სასამართლო პაკეტის მიღება პარლამენტში;
• საარჩევნო რეფორმის ბოლომდე მიყვანა და საკონსტიტუციო ცვლილებების დაუყოვნებლივ მიღება მე-2 და მე-3 მოსმენებით;
• შეწყდეს ჩვენს დასავლელ პარტნიორებზე - დიპლომატებზე, ევროპარლამენტარებზე და ელჩებზე თავდასხმა;
• უკრაინის მხარდამჭერი რეზოლუციის მიღება, სადაც ხაზგასმით და მკაფიოდ დაგმობილი იქნება რუსეთის მიერ ჩადენილი სამხედრო დანაშაულები უკრაინაში;
• მთავრობის მიერ მომზადდეს ახალი საკანონმდებლო პაკეტი, რომელიც გარანტირებულად გამორიცხავს რუსეთისთვის დაკისრებული საერთაშორისო სანქციების გვერდის ავლას ან არასწორ ინტერპრეტაციას;
• ნიკა გვარამიას საკითხის გადაწყვეტა;
• მიხეილ სააკაშვილის, როგორც პატიმრის უფლებების დაცვა და საერთაშორისო მაღალი დონის სამედიცინო ექსპერტების ჩამოყვანა, რომელთა დასკვნის შესრულებაც მკურნალობა/რეაბილიტაციაზე სავალდებულო იქნება.

ავტორი: ექსპრესნიუსი,

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის