2022-05-27 12:49:59, 933 ნახვა

---

პრეზიდენტი საზღვარგარეთ მცხოვრებ ქართველებზე - უნდა გავუმარტივოთ ორმაგი მოქალაქეობა და პარლამენტში ყავდეთ წარმომადგენილი

საქართველოს პრეზიდენტი, სალომე ზურაბიშვილი გამოდის ინიციატივით, რომ საზღვარგარეთ მცხოვრებ ქართველებს პარლამენტში ჰყავდეთ წარმომადგენელი, რომელიც მათ ინტერესებს დაიცავს. 

დიასპორის დღისადმი მიძღვნილ ღონისძიებაზე, ზურაბიშვილმა ასევე ხაზი გაუსვა, რომ ეს ადამიანები არიან საქართველოს წარმომადგენლები მსოფლიოში და უფრო ახლოს არიან ევროპასთან და შეიძლება კარგად გამოადგეს ქვეყანას. 

"ჩვენ არ აგვირჩევია, რომ ასეთი დიასპორა გვეყოლებოდა საზღვარგარეთ, მაგრამ ჩვენ უნდა ვიცოდეთ, რომ ისინი ჩვენ წამომადგენლები არიან მსოფლიოში. მთავარია, ჩვენს შორის კავშირი არ უნდა გაწყდეს. 

პირველ რიგში, მნიშვნელოვანია ორმაგი მოქალაქეობა, რომელიც კიდევ უფრო უნდა გავამარტივოთ და ჩვენ ვმუშაობთ ამაზე იუსტიციის სამინისტროთან. მეორე, მათი ჩართულობა პოლიტიკაში და ამას სჭირდება, რომ იყვნენ წარმოდგენილი პარლამენტში. მართალია,ეს მე არ მეკუთვნის, პარტიების ხელშია, მაგრამ უნდა მოვაგვაროთ ეს საკითხი, რომ პარლამენტში ყავდეთ თავისი ინტერესის წარმომადგენელი. ეს შეიძლება მოხდეს კვოტების ფორმით, რომ ყველა პარტიამ აიღოს ვალდებულა, რომ ყველა სიაში ყავდეთ დიასპორის წარმომადგენელი. 

ისინი უფრო ახლოს არიან ევროპასთან და შეიძლება კარგად გამოგვადგეს", - განაცხადა ზურაბიშვილმა. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი