2022-05-17 13:15:28, 1510 ნახვა
სამართალი
ბათუმში ქალი ცივი იარაღით დაჭრეს - დაკავებულია ერთი პირი
ბათუმში, ფრიდონ ხალვაშის გამზირზე ქალი დაჭრეს. ამის შესახებ ინფორმაცია "ექსპრესნიუსს" შინაგან საქმეთა სამინისტრომ დაუდასტურა.
უწყების ცნობით, მომხდარზე ერთი პირია დაკავებული.
ქალი სასწრაფო დახმარების ბრიგადამ კლინიკაში გადაიყვანა, სადაც მას პირველადი დახმარება ჩაუტარდა.
თვითმხილველები თქმით, ქალმა შვილი საბავშვო ბაღში დატოვა, ქუჩაში გამოსული კი, სავარაუდოდ, ყოფილმა ქმარმა ცივი იარაღით დაჭრა.
შინაგან საქმეთა სამინისტრომ მომხდარზე გამოძიება სისხლის სამართლის კოდექსის 11 პრიმა 117-ე მუხლით დაიწყო, რაც ოჯახის წევრის მიმართ ჩადენილ ჯანმრთელობის განზრახ მძიმე დაზიანებას გულისხმობს.
ავტორი: ექსპრესნიუსი,
epn.ge (@expressnews.ge)
