სუმის ოლქში უკრაინაში ჩადენილი ომის დანაშაულის გამო პირველ რუს სამხედროს გაასამართლებენ, - ამის შესახებ ინფორმაციას უკრაინის გენერალური პროკურორი, ირინა ვენედიქტოვა Facebook-ზე ავრცელებს.

ვენედიქტოვას ცნობით, პირველი რუსი სამხედრო, რომელიც სასამართლოს წინაშე წარსდება სუმის რეგიონში სამოქალაქო მოქალაქის მკვლელობისთვის ვადიმ შიშიმარინია.

გამოძიებით დადგინდა, რომ 2022 წლის 28 თებერვალს ამ 21 წლის რუსმა ჯარისკაცმა მოკლა სუმის რაიონის სოფელ ჩუპახივკას უიარაღო მცხოვრები, რომელიც ველოსიპედით გზაზე მიდიოდა.

„მანამდე კოლონამ, რომელშიც სერჟანტი შიშიმარინი იმყოფებოდა, გაანადგურა ჩვენი კოლონა. გაქცევისას მან და სხვა ოთხმა კოლეგამ ცეცხლი გაუხსნეს კერძო მანქანას და წაართვეს. მოპარულ მანქანაზე, რომელსაც ბორბლები დაცხრილული ჰქონდა, მესაზღვრეები სოფელში შევიდნენ. გზაში მათ დაინახეს მამაკაცი, რომელიც სახლში ბრუნდებოდა და ტელეფონზე საუბრობდა. ერთ-ერთმა სამხედრომ სერჟანტს უბრძანა მოეკლა მშვიდობიანი მოქალაქე, რათა უკრაინელ დამცველებსთვის არ ეცნობებინა. მან მანქანის ღია ფანჯრიდან კალაშნიკოვის ავტომატიდან რამდენჯერმე ესროლა 62 წლის მსხვერპლის თავში. მამაკაცი სახლიდან რამდენიმე ათეულ მეტრში ადგილზე გარდაიცვალა,“- წერს ირინა ვენედიქტოვა

ეჭვმიტანილი ამჟამად პატიმრობაში იმყოფება. პროკურორებმა და გამომძიებლებმა შეაგროვეს საკმარისი მტკიცებულებები მისი მონაწილეობის შესახებ ომის კანონებისა და წეს-ჩვეულებების დარღვევაში განზრახ მკვლელობასთან ერთად (უკრაინის სისხლის სამართლის კოდექსის 438-ე მუხლის მე-2 ნაწილი).

ამ ქმედებებისთვის მას ციხე ან უვადო თავისუფლების 10-დან 15 წლამდე აღკვეთა ემუქრება.

ავტორი: ექსპრესნიუსი,

სოციალური ქსელები

ირანმა რუსი უმდიდრესი ოლიგარქის იახტას ჰორმუზის სრუტის გავლით ნება დართო

რუსეთის არმიაში საკვების დეფიციტის ფონზე კანიბალიზმის შემთხვევები დაფიქსირდა - The Sunday Times

კობახიძე - ყველა პარამეტრით ვუსწრებთ უკრაინას და მოლდოვას

ზურაბიშვილი ქართველი მებრძოლების ჩამოსვენებაზე - საპატიო ყარაული არ არის, დიდი სირცხვილია