ბელარუსის პრეზიდენტმა ალექსანდრე ლუკაშენკომ Associated Press-თან ინტერვიუში „დაიცვა“ რუსეთი და აღნიშნა, რომ არ ელოდა თუ რუსეთ-უკრაინის კონფლიქტი ამდენ ხანს გაგრძელდებოდა.

ლუკაშენკომ ინტერვიუში აღნიშნა, რომ  ის და მისი ქვეყანა მშვიდობის მომხრეა და არაერთხელ მოუწოდა რუსეთს ომის დასრულებისკენ და ბირთვული იარაღის გამოყენების წინააღმდეგაც გამოვიდა.

„ჩვენ კატეგორიულად არ ვეთანხმებით არანაირ ომს. ყველაფერი გავაკეთეთ და ახლაც ვაკეთებთ, რომ ომი არ იყოს. თქვენი მორჩილი მსახურის, ანუ ჩემი წყალობით, უკრაინასა და რუსეთს შორის მოლაპარაკებები დაიწყო“, - განაცხადა ლუკაშენკომ.

გარდა ამისა, ბელარუსის პრეზიდენტმა დასძინა, რომ პუტინი არ ეძებს ნატო-სთან პირდაპირ კონფლიქტს და დასავლეთმა უნდა უზრუნველყოს ის, რომ ეს არ მოხდეს.

ომისადმი ლუკაშენკოს მხარდაჭერამ გამოიწვია საერთაშორისო კრიტიკა და სანქციები მინსკის წინააღმდეგ.

შეგახსენებთ, რომ 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსეთის სამხედრო ძალებმა უკრაინაზე სხვადასხვა მიმართულებიდან დაიწყეს შეტევა.

ავტორი: ექსპრესნიუსი,

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო