ევროკავშირმა შესაძლოა დაუშვას, რომ უნგრეთმა და სლოვაკეთმა, რუსეთის წინააღმდეგ სანქციების მეექვსე რაუნდის ფარგლებში ნავთობის ემბარგო არ დააწესონ, ვინაიდან ორივე ქვეყანა დამოკიდებულია რუსულ მარაგებზე, - ამის შესახებ ინფრომაციას Reuters აცრელებს.

ევროკავშირის ერთ-ერთი ოფიციალური პირის თქმით, ერთიანობის შესანარჩუნებლად, სლოვაკეთსა და უნგრეთს შესაძლოა მიეცეთ უფლება, არ შეუერთდნენ ემბარგოს.

ენერგეტიკის საერთაშორისო სააგენტოს მონაცემებით, სლოვაკეთი და უნგრეთი განსაკუთრებით დამოკიდებულნი არიან მოსკოვზე, რომლებიც ნავთობისა 96% და ნავთობპროდუქტების 58% იღებენ.

გარდა ამისა Reuters აღნიშნავს, რომ ევროპას რუსეთის ნავთობისა და ნავთობპროდუქტების თითქმის ნახევარი შემოაქვს. უკრაინაში შეჭრის დაწყებიდან კი ევროკავშირის ქვეყნებმა ენერგორესურსები თითქმის 20 მილიარდ ევროდ იყიდეს.

შეგახსენებთ, რომ მანამდე უნგრეთის ენერგეტიკის მინისტრმა გერგელ გულიაშმა უკვე განაცხადა, რომ ბუდაპეშტი რუსეთის წინააღმდეგ ნავთობის ემბარგოს დაბლოკავს.

ამასთან, გავრცელებული ინფორმაციით, ევროკავშირი ასრულებს მუშაობას რუსეთის წინააღმდეგ სანქციების მორიგ პაკეტზე, რომელშიც აუცილებლად იქნება გათვალისწინებული ემბარგო რუსულ ნავთობზე.

ავტორი: ექსპრესნიუსი,

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო