2022-05-01 19:16:30, 1770 ნახვა
ომი უკრაინაში
ვოლოდიმირ ზელენსკი - აზოვსტალის ქარხანას 100 მშვიდობიანი მოქალაქე ტოვებს
უკრაინის პრეზიდენტი, ვოლოდიმირ ზელენსკი ამბობს, რომ მარიუპოლის ფოლადის ქარხნიდან 100 მშვიდობიანი მოქალაქე ევაკუირებულია .
მარიუპოლში ,,აზოვსტალის" ფოლადის ქარხანაში ჩარჩენილი მშვიდობიანი მოსახლეობის ევაკუაციის პროცესში ჩართულია გაერო და ,,წითელი ჯვრის" კომიტეტი.
"დაიწყო აზოვსტალიდან მშვიდობიანი მოსახლეობის ევაკუაცია. 100-კაციანი პირველი ჯგუფი უკვე მიემართება კონტროლირებად ზონაში. ხვალ მათ ზაპორიჟჟიაში შევხვდებით", - დაწერა ზელენსკიმ ტვიტერზე.
გაეროს ინფორმაციით, აზოვსტალის ფოლადის ქარხანაში დაახლოებით 1000 მშვიდობიანი მოქალაქე იმყოფება, მათ შორის არიან დაჭრილები და დაშავებულები.
ავტორი: ექსპრესნიუსი,
epn.ge (@expressnews.ge)
