2022-05-01 11:36:30, 2194 ნახვა

---

უკრაინის გენშტაბი - ოკუპანტები შეტევის ტემპის გაზრდას ცდილობდნენ და სამხედრო ტექნიკის გადატანისათვის მოსაზღვრე ტერიტორიებს იყენებენ

უკრაინის გენერალური შტაბის ინფორმაციით, ოკუპანტები ცდილობდნენ შეტევის ტემპის გაზრდას, რისთვისაც რუსეთში სამხედრო ტექნიკისა და იარაღის გადატანისათვის, უკრაინის მოსაზღვრე ტერიტორიებს იყენებენ. 

როგორც გენშტაბის განცხადებაში ვკითხულობთ, ოკუპანტები სარკინიგზო გზით უკრაინის სახელმწიფოსთან ახალ ძალებს მიჰყავს.

„დასავლეთის, ცენტრალური, აღმოსავლეთის სამხედრო ოლქებისა და ჩრდილოეთ ფლოტის საწყობებიდან ამოღებული იარაღი და სამხედრო ტექნიკა სარკინიგზო გზით გადაიგზავნება უკრაინის სასაზღვრო რაიონებში“, - აცხადებენ უკრაინის შეიარაღებული ძალების გენერალურ შტაბში.

ცნობისთვის, 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსი ოკუპანტები უკრაინას სხვადასხვა მიმართულებიდან უტევენ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი