2022-05-01 11:21:28, 1479 ნახვა

---

ბორის ჯონსონი - ერთგული ვარ ჩემი გადაწყვეტილების, გავაძლიერო უკრაინა და პუტინის მარცხი უზრუნველვყო

ბრიტანეთის პრემიერ-მინისტრმა ბორის ჯონსონმა განაცხადა, რომ მისი ქვეყანა აგრესორი პრეზიდენტის, ვლადიმირ პუტინის დამარცხებაში დაეხმარება.

უკრაინის პრეზიდენტ ვოლოდიმირ ზელენსკისთან მორიგი საუბრის შემდეგ, ჯონსონმა თავის  Twitter-ზე დაწერა, რომ ბრიტანეთი გააგრძელებს უკრაინელებისთვის სამხედრო და ჰუმანიტარული დახმარებას, რათა შეიარაღებულ ძალებს ჰქონდეთ ყველა საჭირო აღჭურვილობა რუს ოკუპანტებთან საბრძოლველად.

„ვესაუბრე პრეზიდენტ ზელენსკის, რათა მეთქვა, როგორ გააგრძელებს დიდი ბრიტანეთი სამხედრო და ჰუმანიტარული დახმარების მიწოდებას, იმისათვის, რომ უკრაინელებს მივცეთ ის აღჭურვილობა, რომელიც თავდაცვისთვის სჭირდებათ. როგორც არასდროს, ერთგული ვარ ჩემი გადაწყვეტილების, გავაძლიერო უკრაინა და პუტინის მარცხი უზრუნველვყო“, - თქვა ჯონსონმა.

ვოლოდიმირ ზელენსკიმ, თავის მხრივ , აღნიშნა , რომ ბრიტანეთის პრემიერ-მინისტრს აქტიური კონფლიქტის ზონებში ბრძოლის ველზე არსებული ვითარების შესახებ უამბო. მათ ასევე დეტალურად ისაუბრეს აღმოსავლეთში, სამხრეთსა და მარიუპოლში არსებულ ვითარებაზე.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი