2022-04-28 10:18:41, 1454 ნახვა

---

ოპერატიული სარდლობის პრესმდივანი - რუსი დამპყრობლები მზად არიან უკრაინას შავი ზღვიდან დაარტყან

შავ ზღვაში რუსული გემები მზადყოფნაში რჩებიან უკრაინის წინააღმდეგ სარაკეტო დარტყმის განსახორციელებლად, -  ამის შესახებ " სამხრეთის" ოპერატიული სარდლობის პრესმდივანმა ვლადისლავ ნაზაროვმა განაცხადა.

მისივე თქმით, შავი ზღვის ოპერაციულ ზონაში რუსული ფლოტის გემების დაჯგუფებაში წყალქვეშა ნავებიც შედის.

„შავი ზღვის ოპერაციულ ზონაში რუსული ფლოტის საზღვაო დაჯგუფება წყალქვეშა ნავებით მზადაა უკრაინის წინააღმდეგ სარაკეტო დარტყმისთვის“, - ნათქვამია მოხსენებაში.

ცნობისთვის, 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსი ოკუპანტები უკრაინას სხვადასხვა მიმართულებიდან უტევენ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი