ლატვიის პარლამენტმა საბოლოო მოსმენით დაამტკიცა ახალი კანონი, რომლის მიხედვითაც მოქალაქეებს, რომლებიც მხარს უჭერენ გენოციდსა და ტერიტორიული მთლიანობის, დემოკრატიული სახელმწიფოს კონსტიტუციური წყობის წინააღმდეგ დანაშაულებს, შესაძლოა, მოქალაქეობა ჩამოერთვათ.

როგორც ლატვიის ადგილობივი საინფორმაციო სააგენტოს მიერ გავრცელებულ განცხადებაში ვკითხულობთ, კანონმდებლობა ეხება მხოლოდ იმ პირებს, ვინც ერთზე მეტი ქვეყნის მოქალაქეები არიან.

გარდა ამისა, ლატვიის მოქალაქეობა შეიძლება გაუქმდეს იმ შემთვევაში, თუ პირი თავად მონაწილეობდა მსგავს ქმედებებში.

„მოქალაქეობა შეიძლება გაუუქმდეს იმ ადამიანებს, რომლებმაც მნიშვნელოვანი ფინანსური, მატერიალური, პროპაგანდისტული, ტექნოლოგიური ან სხვა სახის დახმარება გაუწიეს ქვეყნებს ან ადამიანებს, რომლებმაც ჩაიდინეს გენოციდი. დანაშაული მშვიდობის წინააღმდეგ, კაცობრიობის წინააღმდეგ დანაშაული, ომის დანაშაული, რომელიც საფრთხეს უქმნის ტერიტორიულ მთლიანობას, სუვერენიტეტს, დამოუკიდებლობას ან დემოკრატიული ქვეყნების კონსტიტუციურ წესრიგს, - ნათქვამია ლატვიის სეიმის განცხადებაში.

შეგახსენებთ, რომ საკანონმდებლო ცვლილებები მას შემდეგ დაიწყო, რაც რუსეთმა 24 თებერვალს უკრაინაში ომი დაიწყო. ხოლო ერთ-ერთი ადამიანი, რომელზეც ახლა აღნიშნული ცვლილებების გამოყენება შესაძლებელია, არის რუსი მილიარდერი პიოტრ ავენი, რომელსაც ასევე აქვს ლატვიის მოქალაქეობა და არის რუსეთის პრეზიდენტის, ვლადიმერ პუტინის მხარდამჭერთა შორის.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა