2022-04-11 10:20:15, 864 ნახვა

---

საფრანგეთის საპრეზიდენტო არჩევნებში ხმების 97%-ის დათვლით, ემანუელ მაკრონს 27.6%, მარინ ლე პენს კი 23.4% აქვს

საფრანგეთის საპრეზიდენტო არჩევნებში ხმების 97%-ის დათვლით, ემანუელ მაკრონი 27.6%-ით ლიდერობს, მარინ ლე პენს კი 23.4% აქვს. ინფორმაციას BBC ავრცელებს.

მესამე ადგილზე ხმების 21.9%-ით ულტრამემარცხენე ჟან ლუკ მელანშონია, რომელმაც თავის ამომრჩევლებს მოუწოდა, მეორე ტურში მხარი ქვეყნის მოქმედ პრეზიდენტს, ემანუელ მაკრონს დაუჭირონ.

დასავლური მედია წერს, რომ ლე პენი და მაკრონი საფრანგეთის საპრეზიდენტო არჩევნების პირველ ტურში წამყვანი კანდიდატები არიან და არჩევნების მეორე ტურში მაკრონს და ლე პენს შორის მცირე პროცენტული სხვაობა იქნება. 

„მე არ მინდა საფრანგეთი, რომელიც ევროპას დატოვებს და ადგილს ქსენოფობები და პოპულისტები დაიკავებენ. ჰუმანური საფრანგეთი მინდა“, - აღნიშნა მაკრონმა საარჩევნო უბნების დახურვის შემდეგ. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი