2022-04-02 13:09:11, 791 ნახვა
მსოფლიო
პოლონეთის საზღვრის გავლით უკრაინაში 421 000 მშვიდობიანი მოქალაქე დაბრუნდა
პოლონეთის სასაზღვრო დაცვის მონაცემებით, ომის დაწყებიდან დღემდე, პოლონეთიდან უკრაინაში 421 000 მშვიდობიანი მოქალაქე დაბრუნდა.
მათ შორის, გუშინ, პოლონეთიდან-უკრაინის საზღვარი 15 000-ზე მეტმა უკრაინელმა გადაკვეთა.
პოლონეთის სასაზღვრო დაცვის ინფორმაციით, ომის დაწყების შემდეგ უკრაინა-პოლონეთის საზღვარი 2 437 000 ადამიანმა გადაკვეთა.
გაეროს მონაცემებით, 24 თებერვლიდან 10 მილიონზე მეტ უკრაინელმა დატოვა სახლი. აქედან 4 მილიონმა ქვეყანა დატოვა, ხოლო დანარჩენი 6.5 მილიონი ქვეყნის შიგნით იძულებით გადაადგილდა.
ავტორი: ექსპრესნიუსი,
epn.ge (@expressnews.ge)
