პოლონეთის პარლამენტი მკაცრად გმობს რუსეთის მიერ უკრაინაში განხორციელებულ გენოციდის აქტებს და რუსეთის პრეზიდენტ ვლადიმერ პუტინს სამხედრო დამნაშავედ ცნობს. პოლონელმა დეპუტატებმა რეზოლუცია 23 მარტს დაამტკიცეს. 

რეზოლუციაში ნათქვამია, რომ „ამ დანაშაულების საჯარო მტკიცებულებები“ საკმარისია იმისათვის, რომ „პოლონეთის სეიმმა და საერთაშორისო საზოგადოებამ ვლადიმერ პუტინი ომის დამნაშავედ გამოაცხადონ“.

"პოლონეთის სეიმი მტკიცედ გმობს ხანგრძლივ ძალადობის აქტებს, ომის დანაშაულებს, კაცობრიობის წინააღმდეგ ჩადენილ დანაშაულებს, გენოციდის აქტებს, ადამიანის უფლებათა სისტემურ დარღვევასა და საერთაშორისო სამართლის სხვა დანაშაულებს, რომლებიც ჩადენილია სუვერენული უკრაინის ტერიტორიაზე რუსეთის შეიარაღებული ძალებისა და მათი მოკავშირეების მიერ ", - ნათქვამია დოკუმენტში.

ამასთან, მათ მოუწოდეს თანამოაზრე ქვეყნებს მხარი დაუჭირონ საერთაშორისო სასამართლოსა და სისხლის სამართლის საერთაშორისო სასამართლოს წინაშე სამართალწარმოების დაწყებას.

ავტორი: ექსპრესნიუსი,

სოციალური ქსელები

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა

Bloomberg: რუსეთის საწვავის კრიზისმა გავლენა მოახდინა ცენტრალურ აზიაზე