2022-03-24 14:27:17, 733 ნახვა

---

იენს სტოლტენბერგი - რუსეთის აგრესია უკრაინაზე კიდევ ერთხელ უსვამს ხაზს, თუ რამდენად მნიშვნელოვანია საქართველოს მხარდაჭერა

რუსეთის აგრესია უკრაინის მიმართ კიდევ ერთხელ უსვამს ხაზს, თუ რამდენად მნიშვნელოვანია საქართველოს მხარდაჭერა, - ამის შესახებ ნატო-ს გენერალურმა მდივანმა, იენს სტოლტენბერგმა მედიასთან საუბრისას განაცხადა.

იენს სტოლტენბერგმა იმედი გამოთქვა, რომ დღევანდელ სამიტზე მოკავშირეები დააფიქსირებენ მხარდაჭერას იმ პარტნიორების მიმართ, რომლებიც რუსეთის საფრთხის ქვეშ არიან.

„მე იმედი მაქვს, რომ ამ სამიტზე მოკავშირეები ნათლად დააფიქსირებენ მხარდაჭერას იმ პარტნიორების მიმართ, რომლებიც რუსეთის მხრიდან საფრთხის ქვეშ არიან და მათ შორისაა საქართველო. ნატო მრავალი წელია რაც ეხმარება საქართველოს, რომ გაატაროს რეფორმები და თავდაცვის სისტემების მოდერნიზება მოახდინოს. რუსეთის აგრესია უკრაინის წინააღმდეგ კი კიდევ ერთხელ უსვამს ხაზსს, თუ რამდენად მნიშვნელოვანია საქართველოს მხარდაჭერა“, - განაცხადა იენს სტოლტენბერგმა.

ცნობისთვის, ბრიუსელში დღეს ნატო-ს სამიტი გაიმართება, რომელსაც ამერიკის შეერთებული შტატების პრეზიდენტი, ჯო ბაიდნიც დაესწრება. ნატო-ს დღევანდელ სამიტზე ალიანსის წევრები ნატო-ს აღმოსავლეთ ფლანგზე ძალების გაძლიერებაზე შეთანხმდებიან.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი