2022-03-23 16:29:05, 723 ნახვა
პოლიტიკა
მიხეილ სააკაშვილი - ვპროგნოზირებ რუსეთის მანქანის სწრაფ ჩამოშლას, რასაც პუტინის რეჟიმიც მიყვება
მე ვპროგნოზირებ არამხოლოდ რუსეთის მანქანის სწრაფ ჩამოშლას, არამედ იმას, რომ ამ ჩამოშლას პუტინის რეჟიმიც მიყვება. - ამის შესახებ საქართველოს მესამე პრეზიდენტი მიხეილ სააკაშვილი სოციალურ ქსელში წერს.
მისივე თქმით, ჩეჩნეთის ორივე სასტიკ ომში რუსეთმა 2-ჯერ ნაკლები დანაკარგი განიცადა.
"რუსეთმა გუშინ აღიარა თითქმის 10 ათასი დაღუპული ჯარისკაცი 1 თვეში. ავღანეთში, დღევანდელ რუსეთზე ორჯერ დიდმა საბჭოთა კავშირმა, 10 წელიწადში 14 ათასი დაკარგა. ჩეჩნეთის ორივე სასტიკ ომში რუსეთმა დაკარგა 2-ჯერ ნაკლები. ეს რიცხვი აჩვენებს, რომ დამთავრებულია რუსეთის საქმე. მე ვპროგნოზირებ არამხოლოდ რუსეთის მანქანის სწრაფ ჩამოშლას, არამედ იმას, რომ ამ ჩამოშლას პუტინის რეჟიმიც მიყვება." - წერს მიხეილ სააკაშვილი.
ავტორი: ექსპრესნიუსი,
epn.ge (@expressnews.ge)
