საფრანგეთმა წამოიწყო ეროვნული გეგმა, რათა მოემზადოს საცხოვრებელი სახლი სულ მცირე 100,000 უკრაინელი ლტოლვილისთვის. ამის შესახებ საფრანგეთის პრემიერ-მინისტრმა, ჟან კასტექსმა 22 მარტს, ჟურნალისტებს განუცხადა.

„უფრო და უფრო მეტი მათგანი [უკრაინელი] თავშესაფარს პოულობს საფრანგეთში ან ტრანზიტით გადის ჩვენს ტერიტორიაზე“, - განაცხადა ჟან კასტექსმა უწყებათაშორისი კრიზისული შეხვედრის შემდეგ. ამის შესახებ ინფორმაციას CNN ავრცელებს.

მისივე ცნობით, ომის დაწყებიდან საფრანგეთში 26 000-ზე მეტი უკრაინელი ლტოლვილი ჩავიდა. მათ შორის 10 500-მა დროებითი ბინადრობის უფლება მოიპოვა, რომელიც გათვალისწინებულია ევროკავშირის 3 მარტს ამოქმედებული დროებითი დაცვის პოლიტიკით.

საფრანგეთის პრემიერ-მინისტრმა, ასევე პირობა დადო, რომ დაეხმარება უკრაინელ ლტოლვილებს საფრანგეთის სამუშაო ბაზარზე უკეთესად ინტეგრირებასა და ფრანგული ენის კურსებით უზრუნველყოფაში.

„ჩვენ შევდივართ კრიზისში, რომელიც გაგრძელდება. უკრაინელი მეგობრების ყველაზე თბილი მიღება ჩვენი ქვეყნის პატივია“, - დასძინა ჟან კასტექსმა.

ავტორი: ექსპრესნიუსი,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა