შინაგან საქმეთა მინისტრის მოადგილე, ალექსანდრე დარახველიძე საქართველოში გაეროს ქალთა ორგანიზაციის (UN Women) წარმომადგენელს, კაორი იშიკავას შეხვდა.

მხარეებმა განიხილეს საქართველოს შინაგან საქმეთა სამინისტროსა და გაეროს ქალთა ორგანიზაციას (UN Women) შორის არსებული თანამშრომლობა და მიღწეული შედეგები. ალექსანდრე დარახველიძემ და კაორი იშიკავამ განსაზღვრეს სამომავლო გეგმები და მიმართულებები, მათ შორის შინაგან საქმეთა სამინისტროს ადამიანის უფლებათა დაცვისა და გამოძიების ხარისხის მონიტორინგის დეპარტამენტისა და სამინისტროს ტერიტორიული ორგანოების შესაძლებლობების გაძლიერება.

მინისტრის მოადგილემ ხაზი გაუსვა სამინისტროს შესაძლებლობების განვითარების კუთხით გაეროს ქალთა ორგანიზაციის (UN Women) მიერ განხორციელებული პროექტებისა და ღონისძიებების მნიშვნელობას.

შეხვედრის დასასრულს, ალექსანდრე დარახველიძემ საქართველოში გაეროს ქალთა ორგანიზაციას (UN Women) ნაყოფიერი თანამშრომლობისთვის მადლობა გადაუხადა.

გაეროს ქალთა ორგანიზაცია (UN Women) მრავალი წელია თანამშრომლობს შინაგან საქმეთა სამინისტროსთან და ახორციელებს პროექტებს ისეთი მნიშვნელოვანი მიმართულებებით, როგორიცაა ოჯახში და ქალთა მიმართ ძალადობის წინააღმდეგ ბრძოლა, გენდერული თანასწორობა, სექსუალური შევიწროება და სხვ.

ავტორი: NS (სტატია დაფინანსებულია),

სოციალური ქსელები

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს

პეტერ ფიშერი შიო III-ს სრულიად საქართველოს კათოლიკოს-პატრიარქად არჩევას ულოცავს

შეიძინე კრიპტო თიბისის მობაილბანკში და მიიღე შანსი, დასაჩუქრდე YE, Kanye West-ის კონცერტის ბილეთებით