გარემოს დაცვისა და სოფლის მეურნეობის მინისტრის მოადგილე ნინო თანდილაშვილი ყატარის სახელმწიფოს მუნიციპალიტეტების მინისტრს აბდულა ბინ აბდულაზიზ ალ სუბაიეს შეხვდა.

გარემოს დაცვისა და სოფლის მეურნეობის სამინისტროს ინფორმაციით, ქ. დოჰაში გამართულ შეხვედრაზე მხარეებმა სოფლის მეურნეობის სფეროში თანამშრომლობის საკითხები განიხილეს. მინისტრის მოადგილემ კატარის მუნიციპალიტეტების მინისტრს ინფორმაცია მიაწოდა საინვესტიციო პროექტის, იმერეთის აგროზონის შესახებ.

„როგორც ნინო თანდილაშვილმა შეხვედრაზე აღნიშნა, საქართველოსთვის მნიშვნელოვანია ყურის ქვეყნებში ქართული კონკურენტუნარიანი სასოფლო-სამეურნეო პროდუქტის ბაზარზე დამკვიდრება, მათ შორისაა, ქართული თაფლი, თხილი, მშრალი ხილი, ლურჯი მოცვი და ცხვრის ხორცი.

აღინიშნა, რომ ხარისხიანი აგროსასურსათო პროდუქტის წარმოების ხელშეწყობისთვის, საქართველოში მნიშვნელოვანი ნაბიჯები გადაიდგა, რაც თავისთავად ზრდის ინტერესს საერთაშორისო ბაზრებზე.

მინისტრმა აბდულა ბინ აბდულაზიზ ალ სუბაიემ შეხვედრაზე ხაზი გაუსვა, რომ ყატარის სახელმწიფო დაინტერესებულია საქართველოსთან სავაჭრო ურთიერთობების გაღრმავებით და აღნიშნა, რომ ქართული ხარისხიანი აგროსასურსათო პროდუქტის ცნობადობა ბოლო ორი წელია გაიზარდა. ყატარის სახელმწიფოს მუნიციპალიტეტების მინისტრთან გამართულ შეხვედრას, საქართველოს გარემოს დაცვისა და სოფლის მეურნეობის მინისტრის მოადგილესთან ერთად, საქართველოს საგანგებო და სრულუფლებიანი ელჩი ყატარის სახელმწიფოში ნიკოლოზ რევაზიშვილი ესწრებოდა“,- აღნიშნავენ უწყებაში.

ავტორი: NS (სტატია დაფინანსებულია),

სოციალური ქსელები

აშშ-ში თავშესაფრის მისაღებად ყალბ ისტორიებს ქმნიდნენ – პროკურატურამ ბრალდება 4 პირს წარუდგინა

კალაძე: "დიფსთეითი" თანამედროვე მსოფლიოსთვის უდიდესი პრობლემაა

გაზსადენზე მომხდარი ავარიის გამო დიღომში, დიდ დიღომსა და გლდანის რაიონში 4600 აბონენტს გაზის მიწოდება შეუწყდა

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო