2022-03-05 00:01:43, 659 ნახვა
მსოფლიო
პუტინის რეჟიმმა Facebook-ი და Twitter-ი სრულიად დაბლოკა
რუსეთის მარეგულირებელი ორგანოს, როსკომნადზორის გადაწყვეტილებით რუსეთმა საკუთარ ტერიტორიაზე Facebook-ი დაბლოკა. ამასთან RKN Dump Check იუწყება, რომ Twitter ამ დროისთვის მთლიანად დაბლოკილია რუსეთში.
GlobalCheck სერვისის მიხედვით, სოციალური ქსელის ხელმისაწვდომობა არის 0%
გადაწყვეტილების მიზეზად როსკომნადზორი Facebook-ის მიერ "რუსული მედიისა და საინფორმაციო წყაროების დისკრიმინაციას" ასახელებს. უწყების განცხადებით, 2020 წლის ოქტომბრიდან ასეთი 26 შემთხვევა დაფიქსირდა.
უკრაინაში მიმდინარე ომის ფონზე 26 თებერვალს, Facebook-მა რუსეთის სამთავრობო მედიის მიერ რეკლამის გარცელება და მათ პლატფორმაზე მონეტიზაცია აუკრძალა.
ავტორი: ექსპრესნიუსი,
epn.ge (@expressnews.ge)
