2022-02-23 10:02:12, 958 ნახვა
მსოფლიო
ენტონი ბლინკენი აცხადებს, რომ 24 თებერვალს სერგეი ლავროვს აღარ შეხვდება
აშშ-ის სახელმწიფო მდივანი ენტონი ბლინკენი აცხადებს, რომ რუსეთის საგარეო საქმეთა მინისტრს, სერგეი ლავროვს აღარ შეხვდება. აღნიშნულის შესახებ CNN წერს.
როგორც სახელმწიფო მდივანი აღნიშნავს, რუსეთი უკრაინაში შეჭრას იწყებს, მან უარყო დიპლომატიური გზები, რის გამოც, ჟენევაში ჩანიშნული შეხვედრის გამართვას აზრი აღარ აქვს.
აშშ-ის სახელმწიფო მდივან ენტონი ბლინკენსა და რუსეთის საგარეო საქმეთა მინისტრ სერგეი ლავროვს შორის შეხვედრა 24 თებერვლისთვის იყო დაგეგმილი. სახელმწიფო დეპარტამენტში აცხადებდნენ, რომ შეხვედრა იმ შემთხვევაში შედგებოდა, თუ რუსეთი უკრაინაში არ შეიჭრებოდა.
ავტორი: ექსპრესნიუსი,
epn.ge (@expressnews.ge)
