2022-02-19 13:10:52, 682 ნახვა
მსოფლიო
ოკუპირებული დონეცკისა და ლუგანსკის ე.წ. ლიდერებმა საყოველთაო მობილიზაცია გამოაცხადეს
ოკუპირებული დონეცკის ე.წ. ლიდერმა, დენის პუშილინმა საყოველთაო მობილიზაცია გამოაცხადა, - ინფორმაციას რუსული მედია ავრცელებს.
ე.წ ხელმძღვანელმა დენის პუშლინმა ვიდეომიმართვაში განაცხადა, რომ მან ხელი მოაწერა განკარგულებას საყოველთაო მობილიზაციის შესახებ.
"მოვუწოდებ თანამემამულეებს, რომლებიც რეზერვში არიან, მოვიდნენ სამხედრო კომისარიატებში. დღეს მე ხელი მოვაწერე განკარგულებას საყოველთაო მობილიზაციის შესახებ", - განაცხადა პუშილინმა.
მედიის ინფორმაციით, საყოველთაო მობილიზაცია გამოაცხადა ე.წ. ლუგანსკის სახალხო რესპუბლიკის სეპარატისტმა ლიდერმა, ლეონიდ პასეჩნიკმაც.
ავტორი: ექსპრესნიუსი,
epn.ge (@expressnews.ge)
