2022-02-10 10:23:11, 835 ნახვა
მსოფლიო
რუსეთი, ბელარუსთან ერთად, დღეს ათდღიან მასშტაბურ სამხედრო წვრთნებს იწყებს
რუსეთი, ბელარუსთან ერთად, დღეს მასშტაბურ სამხედრო წვრთნებს იწყებს.
როგორც „ბიბისი“ იუწყება, წვრთნები ათდღიანი იქნება და მასში მონაწილეობას მიიღებს 30 000-მდე რუსი სამხედრო. რაც შეეხება ტექნიკას, გავრცელებული ინფორმაციით, წვრთნებში „ეს-400“ სახმელეთო-საჰაერო სარაკეტო სისტემების ორი ბატალიონი და 35 ავიაგამანადგურებელი მიიღებს მონაწილეობას.
აღნიშნულ წვრთნებთან დაკავშირებით ბელარუსში იმყოფება რუსეთის გენერალური შტაბის მეთაური, ვალერი გერასიმოვი.
წვრთნები 20 თებერვლამდე გაგრძელდება.
ავტორი: ექსპრესნიუსი,
epn.ge (@expressnews.ge)
