საქართველოს მესამე პრეზიდენტის, მიხეილ სააკაშვილის უფლებადამცველი ბექა ბასილაია ე.წ პიჯაკების საქმეს პოლიტიკური დევნისა და შერჩევითი მართლმსაჯულების მკაფიო ნიმუშს უწოდებს.

როგორც ბექა ბასილაიამ აღნიშნა, სასამართლოზე გამოიძახეს ანზორ ჩუბინიძე, რომელიც სდსს-ს ბიძინა ივანიშვილის პრემიერობის პერიოდში მართავდა. მისივე თქმით, საზოგადოება დაინახავს, რომ „ქართული ოცნების“ პირობებშიც მოხდა მსგავსი ხარჯების გაწევა, რასაც მიხეილ სააკაშვილს ედავებიან.

„ეს საქმე არის პოლიტიკური დევნის და შერჩევითი მართლმსაჯულების მკაფიო ნიმუში. ხარჯები, რაზეც მიხეილ სააკაშვილს და თემურ ჯანაშიას ასამართლებენ, გაიწოდა ბიძინა ივანიშვილის პრემიერობის დროს, როდესაც სახელმწიფო დაცვის სპეციალურ სამსახურს ხელმძღვანელობდა ანზორ ჩუბინიძე. ჩვენ ის გამოვიძახეთ მოწმედ, მას უწყება ჩაბარდა და იმედი გვაქვს, რომ ის სასამართლო პროცესზე გამოცხადდება. თუ ანზორ ჩუბინიძე გამოცხადდა საზოგადოება დაინახავს, რომ 2013 წელს, „ქართული ოცნების“ პირობებშიც რამდენიმე ასეული ათასი ლარის დოკუმენტურად დადასტურებული, მსგავსი ხარჯებია წარმოდგენილი“, - განაცხადა ბექა ბასილაიამ.

ცნობისთვის, პროკურატურა ექს–პრეზიდენტს და მასთან ერთად ბრალდებულ სახელმწიფო დაცვის სპეციალური სამსახურის ყოფილ უფროსს, თეიმურაზ ჯანაშიას საბიუჯეტო თანხის დიდი ოდენობით – 9 მილიონი ლარის ჯგუფურად გაფლანგვას ედავება. 

ავტორი: ექსპრესნიუსი,

სოციალური ქსელები

საქართველოს ბანკისა და Emolas Corporation - ის პარტნიორობის ფარგლებში, სამეფო უბნის თეატრი სპექტაკლ „მოახლეებს“ ნიუ იორკის სცენაზე წარადგენს

ალეკო ელისაშვილმა პაპუაშვილს სასამართლოში უჩივლა

Procter & Gamble-მა სანქცირებულ TV იმედთან თანამშრომლობა შეწყვიტა

საფრანგეთში პოლიციის ჩხრეკის დროს პიკასოს მოპარული ნახატი აღმოაჩინეს