ან იქნება სიკვდილი ან მექნება ადეკვატური მკურნალობის საშუალება, – ასე მიმართა საქართველოს მესამე პრეზიდენტმა, მიხეილ სააკაშვილმა სასამართლოზე, სიტყვით გამოსვლისას „ქართული ოცნების" დამფუძნებელს, ბიძინა ივანიშვილს.

„მე მინდა, მივმართო ივანიშვილს. ვერ დაიმალები სხვადასხვა მონების უკან. ყველამ ძალიან კარგად იცის რომ შენ მართავ პროცესებს. თუ ხედავთ, ახალი შეკრეჭილი ვარ, გუშინწინ გამოვიძახე ციხეში სტილისტი. გუშინ ეს სტილისტი მოვიდა და გამკრიჭა. 5 კვირაა ჩემი პირადი ექიმი წერს რომ შემოუშვან ჩემთან. პარიკმახერი შემოუშვეს 1 დღეში. ივანიშვილის ბრძანებით ჩემთან არ უშვებენ ექიმებს. ასეთ პირობებში, როდესაც მაქვს ძლიერი სისუსტე, ასეთ პირობებში, როდესაც მაქვს პრობლემები პირველად ცხოვრებაში ჰიპერტონიასთან დაკავშირებული, მაქვს ანემია და აქედან გამომდინარე ბევრი სხვა პროცესები. ამავე დროს, შენ ძალიან კარგად იცი, რომ ჩემი მდგომარეობა ყოველდღე უარესდება. ეს ხდება შენი მითითებით. ვერავის ვერ გადააბრალებ, ყველანი შენკენ გამოიშვერს ხელს. ან იქნება სიკვდილი ან მექნება ადეკვატური მკურნალობის საშუალება. თუ არ იქნება ადეკვატური მკურნალობის საშუალება დამთავრდება ლეტალური შედეგით. მე არ ვარ ვიღაც. საერთაშორისო მართლმსაჯულება მოგწვდება", – განაცხადა მიხეილ სააკაშვილმა. 

ავტორი: ექსპრესნიუსი,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით