2022-01-24 12:19:18, 931 ნახვა

---

ევროპის საბჭო - საქართველოს გენპროკურატურის სპეციალიზირებული დანაყოფი ეფექტიანად იძიებს ფულის გათეთრების პოტენციურ დანაშაულებს

ევროპის საბჭომ ფულის გათეთრების დანაშაულების წინააღმდეგ ბრძოლის პროცესში ქართული სამართალდამცავი უწყებების ეფექტიანობას მორიგი პოზიტიური შეფასება მიანიჭა. ინფორმაციას საქართელოს გენერალური პროკურატურა ავრცელებს.

როგორც შეფასებაშია აღნიშნული, სამართალდამცავი უწყებები, განსაკუთრებით კი საქართველოს გენერალური პროკურატურის სპეციალიზირებული დანაყოფი, ეფექტიანად იძიებს ფულის გათეთრების პოტენციურ დანაშაულებს ფართო საგამოძიებო ტექნიკის გამოყენებით.

ევროპის საბჭოს ,,ვარშავის კონვენციის“ კომიტეტის შეფასების მიხედვით, საქართველო ერთ-ერთია იმ ჩვიდმეტ ქვეყანას შორის, რომელსაც სრულად აქვს იმპლემენტირებული ,,დანაშაულებრივი გზით მიღებული შემოსავლების გათეთრების, მოძიების, ამოღების და კონფისკაციის და ტერორიზმის დაფინანსების შესახებ“ ევროპის საბჭოს კონვენციის მოთხოვნები ფულის გათეთრების დანაშაულებზე იურიდიული პირებისთვის პასუხისმგებლობის დაკისრებასთან დაკავშირებით და საქართველოს სისტემის ეფექტიანობა ბოლო წლების განმავლობაში მნიშვნელოვნად გაზრდილია.

შეფასების თანახმად, საქართველოს პროკურატურა და სხვა სამართალდამცავი ორგანოები დაკომპლექტებულია გამოცდილი და მაღალი პროფესიონალიზმის მქონე კადრებით.

უფლებამოსილ საგამოძიებო ორგანოებს აქვთ ადეკვატური რესურსები და წვდომა ინფორმაციაზე, რომელიც საჭიროა გამოძიების ეფექტიანად წარმართვისთვის. მათ გააჩნიათ მრავალფეროვანი საგამოძიებო უფლებამოსილება, რაც მათი ფუნქციების ეფექტიანად შესრულების საშუალებას აძლევს.

საზოგადოებას შევახსენებთ, რომ საქართველომ ანალოგიურად პოზიტიური შეფასება დაიმსახურა ევროპის საბჭოს ფულის გათეთრებისა და ტერორიზმის დაფინანსების წინააღმდეგ მიმართულ ღონისძიებათა შემფასებელ რჩეულ ექსპერტთა კომიტეტის (Moneyval) მეხუთე რაუნდის შეფასების პროცესში.

ფულის გათეთრების დანაშაულის წინააღმდეგ ბრძოლის ეფექტიანობის ზრდა საქართველოს პროკურატურის ერთ-ერთ პრიორიტეტულ მიმართულებას წარმოადგენს და უწყება შემდგომშიც განაგრძობს ფულის გათეთრების წინააღმდეგ ბრძოლის ეფექტიანობის გაუმჯობესების მიზნით ქმედითი ღონისძიებების გატარებას.

States should effectively apply corporate liability to money laundering offences: Warsaw Convention report

 

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი