2022-01-21 13:47:24, 999 ნახვა

---

ნიკა გვარამიას განცხადებით, თუ მიხეილ სააკაშვილის ვიდეოკადრები არაა დამონტაჟებული, შესაძლოა წამების კვალიფიკაციაზეც ისაუბრონ

საინტერესოა ვიდეოკადრები, რომელიც პენიტენციურმა და იუსიტიციამ ინსპექტორს გადასცა, არის თუ არა ეს კადრები უწყვეტი. - ამის შესახებ მესამე პრეზიდენტის ადვოკატმა, ნიკა გვარამიამ განაცხადა და დასძინა, რომ ვიდეოკადრების შესწავლის შემდეგ შესაძლოა არა მხოლოდ არაადამიანური მოპყრობის, არამედ წამების კვალიფიკაციის საკითხიც დადგეს.

"ჩვენთვის ყველაზე მნიშვნელოვანია ახლა, რომ ხელმისაწვდომობა გვაქვს საქმის მასალებთან. პირველ რიგში ჩვენთვის საინტერესოა ვიდეოკადრები, რომელიც პენიტენციურმა სამსახურმა და იუსტიციის სამინისტრომ გადასცეს სახელმწიფო ინსპექტორს. ჩვენ არ ვიცით შინაარსი, არც ქრონომეტრაჟი, არც ის ვიცით, ეს უწყვეტი კადრებია თუ დაჭრილი. აქამდე არაფერი არ გვინახავს. რაც ვნახეთ, ეს არის იუსტიციის სამინისტროს მიერ დაჭერილი კადრები, რომლებიც რეალობას არ ასახავს, თუმცა, რაც ვნახეთ, იქიდანაც იკვეთება არაადამიანური და ღირსების შემლახავი მოპყრობა. თუმცა, დანარჩენ კადრებს რომ ვნახავთ, შეიძლება, უკვე წამების კვალიფიკაციაზეც ვისაუბროთ. ნებისმიერ შემთხვევაში, ეს მასალა ჩვენთვის გადამწყვეტად მნიშვნელოვანია", - განაცხადა ნიკა გვარამიამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი