ხელისუფლებას შიშის ზარი დაეცა, როცა წარმოიდგინა, როგორ ვამხელ მათ პარლამენტის ტრიბუნიდან. - ამის შესახებ "ლეიბორისტული პარტიის" ლიდერმა შალვა ნათელაშვილმა ბრიფინგზე განაცხადა.

ნათელაშვილის განცხადებით, როცა პარლამენტის ტრიბუნას დაიკავებს ის 40 წუთიანი სიტყვის უფლებას ითხოვს. 

ამასთან როგროც ნათელაშვილმა ბრიფინგზე აღნიშნა, ოპოზიციის პარლამენტში შესვლამ ყოველგვარ ბოიკოტს აზრი დაუკარგა.

„ოპოზიციის პარლამენტში შესვლამ აზრი დაუკარგა ყოველგვარ ბოიკოტს. შექმნილ ვითარებაში, თქვენთვის ცნობილია, რომ ჩვენ დავიწყეთ გამოკითხვა სოცქსელებში, შევიდეს თუ არა ,,ლეიბორისტული პარტია" აი ამ ორგანიზებულ დამნაშავეთა სტრუქტურაში და ამხილოს პირადად იმ საქმეებში, რასაც უკეთებენ ქვეყანას და ხალხს. 

ახლა ხელისუფლებას შიშის ზარი დაეცა, როცა წარმოიდგინა, როგორ ვამხელ მათ პარლამენტის ტრიბუნიდან. გადავიდნენ დაუკრეფავში ...

ერთი რამ იცოდეს ბიძინა ივანიშვილმა, მე მიწის ზევით ვიქნები, მიწის ქვევით, თუ კოსმოსში, მის რეჟიმს აუცილებლად დავამთავრებ. თვითონ საბრალდებო სკამზე დაჯდება- ეს კარგად დაიხსომოს. ამიტომ არანაირი მნიშვნელობა არ აქვს, მე შემიწყვიტავენ საპარლამენტო უფლებამოსილებას, თუ არა.

გამოკითხვა მიმდინარეობს და ალბათ, საგაზაფხულო სესიამდე ჩამოვყალიბდებით. უპირველესი მოთხოვნა მექნება მინიმუმ 40 წუთიანი სიტყვის უფლება, როცა პარლამენტში შევალ,“- განაცხადა შალვა ნათელაშვილმა.

ცნობისთვის, რამდენიმე დღის წინ სოცოიალურ ქსელში "ლეიბორისტულმა პარტიამ" გამოაქვეყნა გამოკითხვა შევიდეს თუ არა პარტია პარლამენტში.

ავტორი: ექსპრესნიუსი,

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით