2021-12-22 11:05:47, 760 ნახვა
პოლიტიკა
„ნაცმოძრაობის“ ოფისთან ამ დროისთვის 9 კარავია გაშლილი, შიმშილობის აქციაში კი 300-მდე ადამიანია ჩართული
საქართველოს მესამე პრეზიდენტის, მიხეილ სააკაშვილის მხარდასაჭერად „ნაციონალური მოძრაობის“ ოფისთან ამ დროისთვის 9 კარავია გაშლილი.
ექსპრეზიდენტის გათავისუფლების მოთხოვნით ამ ეტაპზე 300-მდე ადამიანი შიმშილობს.
მოშიმშილეებს შორის არიან როგორც „ნაციონალური მოძრაობის“ წევრები, ისე სამოქალაქო აქტივისტები.
შიმშილობა დაიწყო "ნაციონალური მოძრაობის" თავმჯდომარე ნიკა მელიამაც.
ცნობისთვის, მასობრივი შიმშილობის დაწყების გადაწყვეტილების შესახებ გუშინ გახდა ცნობილი. გადაწყვეტილება „ნაციონალური მოძრაობის“ თავმჯდომარე ნიკა მელიამ პარლამენტთან გამართულ საპროტესტო აქციაზე განაცხადა.
მელიას თქმით, შიმშილობა იქამდე არ შეწყდება, ვიდრე მიხეილ სააკაშვილი არ გათავისუფლდება.
ავტორი: ექსპრესნიუსი,
epn.ge (@expressnews.ge)
