2021-12-20 16:01:30, 700 ნახვა
პოლიტიკა
მიხეილ სააკაშვილი: უკრაინის მაღალჩინოსანს, რომელმაც ჩემს წინააღმდეგ ძალა გამოიყენა ხანგრძლივი პატიმრობა ელოდება - ეს მაინც გაითვალისწინეთ
საქართველოს მესამე პრეზიდენტი, მიხეილ სააკაშვილი „ქართული ოცნების“ თავმჯდომარის, ირაკლი კობახიძის განცხადებას ეხმაურება და სოციალურ ქსელში მიმართვას ავრცელებს.
"გუშინ ივანიშვილის ერთ-ერთმა წარმომადგენელმა ინტერვიუში თქვა, დიდი ამბავი თუ აქ ათრიეს, უკრაინაშიც ხომ ათრიეს თმებითო. ეტყობა ამბები არ მოდის უკრაინის სასაზღვრო ძალების მაღალჩინოსანი, რომელმაც ჩემს წინააღმდეგ ძალა გამოიყენა, ახლა "წამებისთვის და არაადამიანური მოპყრობისთვის" სამართლდება უკრაინის ბორისპოლის რაიონის სასამართლოს მიერ და ხანგრძლივი პატიმრობა ელოდება.
ეს ისე მაინც გაითვალისწინეთ...", - ვკითხულობთ სააკაშვილის მიმართვაში.
ავტორი: ექსპრესნიუსი,
epn.ge (@expressnews.ge)
