2015-01-06 12:16:20, 368 ნახვა
საქართველოს პრეზიდენტი სომეხ ხალხს შობასა და ნათლისღებას ულოცავს
საქართველოს პრეზიდენტი გიორგი მარგველაშვილი სომეხ ხალხს შობისა და ნათლისღების დღესასწაულს ულოცავს.
"ჩემო ძვირფასო თანამოქალაქენო, გულითადად გილოცავთ შობისა და ნათლისღების ბრწყინვალე დღესასწაულს.
სომეხთა და ქართველთა ძმობა ათასწლეულებს ითვლის. ამ ხნის განმავლობაში თქვენ ქართველებთან, ამ მიწაზე მცხოვრებ სხვა ხალხებთან ერთად იღწვით ჩვენი საერთო სამშობლოს კეთილდღეობისა და განვითარებისათვის. აქ დაბადებული მრავალი სომეხი თანამოქალაქე - კულტურისა თუ მეცნიერების სახელოვანი მოღვაწეები საქართველოს ისევე ეამაყება, როგორც ჩვენი ქვეყნის სხვა დიდი შვილები.
ჯანმრთელობას, ბედნიერებას, მშვიდობას და კეთილდღეობას გისურვებთ თქვენ და თქვენს ოჯახებს", - ნათქვამია პრეზიდენტის განცხადებაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
