2021-12-07 16:51:46, 618 ნახვა
პოლიტიკა
გია ვოლსკი აცხადებს, რომ „ალტ ინფოს“, როგორც პოლიტიკურ პარტიას, არ დაარეგისტრირებდა
პარლამენტის ვიცე–სპიკერი გია ვოლსკი საჯარო რეესტრის მიერ პრორუსული და ძალადობრივი ჯგუფის, „ალტ ინფოს“ პოლიტიკური პარტიის დარეგისტრირებას გამოეხმაურა.
როგორც ვოლსკიმ აღნიშნა, ის მათ პარტიას არ დაარეგისტრირებდა, რადგან მისი პოლიტიკური შეხედულება რადიკალურად განსხვავდება.
„ეს პოლიტიკური ძალა უნდა დაექვემდებაროს კონკრეტულ წესებს. მე არ დავარეგისტრირებდი იმიტომ, რომ ჩემი კრედო, პოლიტიკური შეხედულება რადიკალურად განსხვავდება, მაგრამ ვთქვათ, არის გერმანიაშიც რადიკალური მემარჯვენე ხასიათის პარტიები. პოლიტიკა იმაში მდგომარეობს, რომ რომელიმე პოლიტიკურ ძალას ან გაერთიანებას არ მისცენ საფუძველი, რომ იატაკქვეშეთში იმოქმედონ“, - განაცხადა პარლამენტის თავმჯდომარის მოადგილემ.
ავტორი: ექსპრესნიუსი,
epn.ge (@expressnews.ge)
