ლიბერთის გენერალური პარტნიორობით ტექნოპარკში საერთაშორისო შეჯიბრი  Future Agro Challenge გაიმართება.

Future Agro Challenge-ს  მიზანი სტარტაპების, ინოვატორების, „აგროპრენერების”, ფერმერების, მეწარმეების, აგროტექნოლოგების, აგროტურიზმითა და სოფლის მეურნეობით დაინტერესებული ადამიანების მხარდაჭერა და გაძლიერებაა.

დაფინანსებადი საკვების, აგროტექნოლოგიების, აგროტურიზმისა და სოფლის მეურნეობის სფეროში ინოვაციების აღმოსაჩენად და გლობალური თანამშრომლობის წასახალისებლად ღონისძიება სხვადასხვა ქვეყნის ეკოსისტემის მონაწილეებს მასპინძლობს.

„ლიბერთის  სტრატეგია „ახალი ლიბერთი ახალი ცხოვრებისთვის“  არაერთ სიახლესთან ერთად, მარტივი მომსახურებით აგრობიზნესის განვითარებას,  ახალგაზრდების და მათი ინოვაციური პროექტების მხარდაჭერას  გულისხმობს. 

Future Agro Challenge Georgia-ს საშუალებით  ჩვენ  შესაძლებლობა გვაქვს წარმოვაჩინოთ სიახლეების მაძიებელი ნიჭიერი ადამიანები, ხელი შევუწყოთ  მათ განვითარებას და  რეგიონში თანამედროვე ტექნოლოგიების დანერგვას“ - ამბობს Future Agro Challenge Georgia-ს ჟიურის წევრი, ლიბერთის მცირე და საშუალო ბიზნესს მიმართულების დირექტორი ვაჟა მენაბდე.

„ჩვენი დიდი სურვილია, სტარტაპ ეკოსისტემაში გამოჩნდეს მეტი ახალი აგროსტარტაპი, რომლებსაც ჩვენ მაქსიმალურად დავეხმარებით სამომავლო განვითარებასა და წარმატების მიღწევაში. Future Agro Challenge  არის პროექტი, რომლითაც ახალ ტალანტებს აღმოვაჩენთ ყოველწლიურად და მათ მსოფლიოს გავაცნობთ“, - ამბობს გური ქოიავა, სტარტაპ ბიუროს თანადამფუძნებელი და Future Agro Challenge Georgia-ს თანაორგანიზატორი.

„მთელი მსოფლიო თანხმდება, რომ მდგრადი სოფლის მეურნეობა თანამედროვე ტექნოლოგიებზე დგას. Future Agro Challenge სწორედ ის პლატფორმაა, რომელიც აღმოაჩენს, თავს უყრის და აძლიერებს ახალგაზრდების მოტივაციას, რომ ინოვაციების მეშვეობით გადაიჭრას მიმდინარე და სამომავლო გამოწვევები“, - ამბობს ირაკლი ჩიქავა, აგრო სოლუშენსის კომერციული დირექტორი და Future Agro Challenge Georgia-ს თანაორგანიზატორი.

Future Agro Challenge წელსაც უმასპინძლებს საერთაშორისო სპიკერებს, რომლებიც ევროპის უმსხვილესი კომპანიების წარმომადგენლები არიან და ონლაინ რეჟიმში ისაუბრებენ  მსოფლიოს ყველაზე მწვავე საფრთხეებზე, გამოწვევებზე და ტექნოლოგიურ ინოვაციებზე.

Future Agro Challenge Georgia შემდეგ კატეგორიებში გაიმართება:

1. კვების ტექნოლოგიები
2. აგროტექნოლოგიები (რობოტიკა, დრონები და ა.შ.)
3. აგრომეტყევეობა და მეცხოველეობა
4. საკვები/სასმელი (პროდუქტი/საცალო ვაჭრობა)
5. კვების ხელმისაწვდომობა და მდგრადობა
6. საკვები ნარჩენები
7. ნუტრიცია და ჯანმრთელობა
8. უსაფრთხოება და ჯანმრთელობა
9. შეფუთვა და ლოგისტიკა
10. აგროგანათლება
11. აგროტურიზმი
12. სოფლის მეურნეობის პროდუქციის წარმოება & დამუშავება

შერჩეულ მონაწილეებს შორის ჟიური  გამარჯვებულ „წლის აგროპრენერს“ 5 დეკემბერს გამოავლენს.

ეროვნული გამარჯვებული მიიღებს ფულად ჯილდოს და წვდომას მსოფლიო კლასის მენტორებთან, ინვესტორებთან, პოტენციურ კლიენტებთან და ახალ საბაზრო შესაძლებლობებთან FAC Global Championship-ზე, უმთავრეს გლობალურ აგროპრენერულ სამიტზე, რომელიც ჩატარდება საბერძნეთში, 2022 წელს.

ავტორი: NS (სტატია დაფინანსებულია),

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა