2021-11-24 14:38:59, 1019 ნახვა

---

ნათია თურნავა - საათობრივი შეზღუდვის მოხსნა გამოიწვევს ტურისტული ინდუსტრიის მდგრადობას, მწვანე სტატუსის მქონე პირებს სოციუმში ექნებათ უპირატესობა

ეკონომიკისა და მდგრადი განვითარების მინისტრის თქმით, რესტორნებისთვის საათობრივი შეზღუდვის მოხსნით მწვანე სტატუსის მოქნე პირებს პრივილეგიას მიანიჭებს.

გარდა ამისა მინისტრი აღნიშნავს, რომ საკოორდინაციო საბჭოს გადაწყვეტილება სარესტორნო ინდუსტრიის მდგრადობას გამოიწვევს.
 
საკმოდ მნიშვნელოვანი გადაწყვეტილება მიიღო საბჭომ, რომელიც შეეხება ტურისტულ ინდუსტრიას, კერძოდ სარესტორნო ინდუსტრიას და ეს ახალი რეგულაცია არის დაკავშირებული 1 დეკემბრიდან მწვანე პასპორტების სავალდებულო მოთხოვნის შემოღებასთან, ანუ პირველი დეკემბრიდან "მწვანე პასპორტების" მოთხოვნის ვალდებულების პარალელურად სარესტორნე ბიზნესს მოეხსნება ღამის საათების შეზღუდვა, რაც არის აბსოლუტურად დაბალანსებული და სწორი. ეს გადაწყვეტილება ორი ძირითადი მიზეზით არის განპირობებული ერთი ეს არის, რა თქმა უნდა, ის უპირატესობა, რაც უნდა გააჩნდეს დღეს მწვანე სტატუსი მქონე პირს, რომელიც იმ მომენტში საფრთხეს არ წარმოადგენს გარშემომყოფთათვის. რასაკვირველია, როცა ასეთი შეზღუდვა დაწესდება ესეთი ადამიანების მიმართ სოციუმში, მათ უნდა ქონდეთ პრივილეგია არა მწვანე სტატუსის მქონე ადამიანებთან შედარებით. რასაკვირველია ერთ-ერთი პრივილეგია არის ის, რომ მათ ნებისმიერ დროს ნებისმიერ საათში შეძლონ, შევიდნენ რესტორნებსა და კაფეებში. ეს იქნება მოტივაცია აუცრელებისთვის.

მეორე სიკეთე ტურისტული და სარესტორნო ინდუსტრიის მდგრადობასთან ერთად არის ის, რომ ძალიან ბევრი ადამიანია დასაქმებული ამ სექტორში და რეგულაცია, რომ მარტო მწვანე სტატუსის მქონე ადამიანი შევიდეს ზღუდავს წრეს, რომელიც შეიძლება იყოს ნაკლები მომხმარებელი, მაგრამ ეგ სრულად კომპესირდება, იმით რომ დროის მონაკვეთში არ შეიზღუდოს და ნებისმიერ დროს ისარგებლონ სარესტორნო მომსახურებით." - თქვა ნათია თურნავამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი