მიმდინარეობს რეაბილიტაციის პროცესი -ექიმი ხოშტარიას ჯანმრთელობის მდგომარეობაზე

2021-11-19 23:27:08, 759 ნახვა

საზოგადოება

17 დღიანი შიმშილობის შემდეგ ელენე ხოშტარიას სხეული დასუსტებულია, მას ამჟამად გადასხმები უკეთდება. რეანიმატოლოგი, ალექსანდრე მხარგრძელი აცხადებს, რომ მდგომარეობა საგანგაშო არ არის, რეაბილიტაციის კურსი რამდენიმე დღეს გაგრძელდება
"ამჟამად მისი მდგომარეობა სტაბილურია, პაციენტი შემოსულია რეაბილიტაციური ღონისძიებებისთვის, მიმდინარეობს ლაბორატორიული მონიტორინგი, ველოდებით ანალიზების შედეგებს. რეაბილიტაცია მოიცავს ინტრავენურ გადასხმებს, ვიტამინოთერაპიას, პრევენციული ღონისძიებები უკვე მიმდინარეობს - განაცხადა ალექსანდრე მხარგრძელმა." - განაცხადა ექიმმა.

შიმშილობის მე 17-ე დღეს ,,დროას" ლიდერმა პროტესტის მწვავე ფორმა შეწყვიტა. გადაწყვეტილება მას შემდეგ, მიიღო რაც მიხეილ სააკაშვილს ხელისუფლებამ გორის სამხედრო ჰოსპიტალში გადასვლა შესთავაზა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,