2021-11-19 10:11:30, 725 ნახვა

---

ელენე ხოშტარია - ვაჩერებ მედიკამენტოზურ მკურნალობას, სანამ სააკაშვილს არ გადაიყვანენ, არაფერს გადავისხამ და მივიღებ

"დროას" ლიდერი ელენე ხოშტარია, რომელიც მე -17 დღეა პარლამენტში შიმშილობს მედიკამენტოზურ მკურნალობას წყვეტს.

ამის შესახებ ხოშტარიამ სოციალურ ქსელში დაწერა.

„გუშინ მთელი ღამე ველოდებოდი იმ კადრს ან ფრაზას, რომ გადაყავთ ამდენი ექიმის რეკომენდაციის და პანიკის შემდეგ. საბოლოო ჯამში, ღამიდან დავასკვენი, რომ იმ დროს, როცა სააკაშვილის თავში და არამარტო, მიდის საშიში პროცესები და კრიტიკულ რამდენიმე საათში გამოკვლეულიც კი არ არის ბოლომდე.

დრო არათუ აღარაა, შეიძლება დაგვიანებულია.

ამიტომ მე გადავწყვიტე, რომ ვაჩერებ მედიკამენტოზურ მკურნალობას კრიტიკული მაჩვენებლების წინააღმდეგ და სანამ არ გადაიყვანენ არაფერს არ გადავისხამ და არ მივიღებ.

მე სხვა გზა არ მაქვს. ვერ ვიჯდები უმოქმედოდ გადამწყვეტ წუთებში

გადაიყვანეთ სააკაშვილი კლინიკაში სასწრფოდ“, - წერს ელენე ხოშტარია.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი