2021-10-11 12:09:36, 652 ნახვა
საზოგადოება
ევროკავშირის წარმომადგენლობა - დღეს ჩვენ ვგლოვობთ საქართველოსთან ერთად
ევროკავშირის წარმომადგენლობა ბათუმში მომხდარ ტრაგედიასთან და გამოცხადებულ გლოვის დღესთან დაკავშირებით განცხადებას ავრცელებს.
EU-ს წარმომადგენლობა უსამძიმრებს დაღუპულთა ოჯახებსა და მეგობრებს.
„დღეს ჩვენ ბათუმში ტრაგიკულად დაკარგულ სიცოცხლეს ვგლოვობთ. ვუსამძიმრებთ დაღუპულთა ოჯახებსა და მეგობრებს. დღეს ჩვენ ვგლოვობთ საქართველოსთან ერთად“, - აღნიშნულია განცხადებაში.
შეგახსენებთ, რომ ბათუმში, 26 მაისის ქუჩაზე 8 ოქტომბერს საცხოვრებელი კორპუსის ერთი სადარბაზო ჩამოინგრა. შემთხვევას 8 ადამიანის სიცოცხლე ემსხვერპლა და დაშავდა ერთი ადამიანი. საქართველოს მთავრობის გადაწყვეტილებით, 11 ოქტომბერი გლოვის დღედ გამოცხადდა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
