2021-10-09 12:39:48, 700 ნახვა
სამართალი
სასამართლო ნიკა კვარაცხელიას მკვლელობაში ბრალდებულების მიმართ პატიმრობის გამოყენების კანონიერებაზე მსჯელობს
თბილისის საქალაქო სასამართლოში 22 წლის ნიკა კვარაცხელიას განზრახ მკვლელობის საქმეზე დაკავებული პირების მიმართ დაუსწრებლად შეფარდებული პატიმრობის გამოყენების კანონიერებაზე სხდომა მიმდინარეობს.
პროცესს ბრალდებულები აკო ჭელიძე და გიორგი კავილაძეც ესწრებიან.
ცნობისთვის, თბილისში, ანჯაფარიძის ქუჩაზე, ნიკა კვარაცხელიას მკვლელობის საქმეზე აკო ჭელიძე და გიორგი კავილაძე თბილისში, წყნეთში დააკავეს. აკო ჭელიძესა და გიორგი კავილაძეს ბრალი ედებათ ჯგუფურად განზრახ მკვლელობაში და ჯგუფურად ცეცხლსასროლი იარაღისა და საბრძოლო მასალის მართლსაწინააღმდეგოდ შეძენა-შენახვა-ტარებაში. დანაშაული 13-დან 17 წლამდე ვადით თავისუფლების აღკვეთას ითვალისწინებს.
ავტორი: ექსპრესნიუსი,
epn.ge (@expressnews.ge)
