ცენტრალური საარჩევნო კომისიის (ცესკო) თავმჯდომარე გიორგი კალანდარიშვილმა საქართველოში აკრედიტებული დიპლომატიური მისიების და საერთაშორისო ორგანიზაციების წარმომადგენლებს 2021 წლის 2 ოქტომბრის არჩევნების შუალედური ანგარიში წარუდგინა. ამ ინფორმაციას ცენტრალური საარჩევნო კომისიის პრესსამსახური ავრცელებს.

მათი თქმით, ანგარიში საქართველოს საარჩევნო ადმინისტრაციის მიერ 2 აგვისტოდან 15 სექტემბრის ჩათვლით  განხორციელებულ საქმიანობას ასახავს.

საპილოტე პროექტი №4 კრწანისის საარჩევნო ოლქში,  ახალი კორონავირუსით (SARS-CoV-2) გამოწვეული ინფექციის (COVID-19) გავრცელების პრევენციის მიზნით მიღებული ზომები, ხმის დათვლის პროცესის ვიდეოგადაღება, საარჩევნო რეგისტრაციები, ამომრჩეველთა ინფორმირება, საგანმანათლებლო პროგრამები და ინკლუზიური საარჩევნო გარემოს ხელშეწყობა - ეს იმ საკითხების არასრული ჩამონათვალია, რომელიც ანგარიშშია ასახული.

აღნიშნული საკითხებისა და არჩევნებისთვის განხორციელებული საქმიანობის შესახებ გიორგი კალანდარიშვილმა დღეს დეტალურად ისაუბრა.

„საერთაშორისო სადამკვირვებლო ორგანიზაციებს, ასევე დიპლომატიურ კორპუსს მივაწოდეთ ინფორმაცია საარჩევნო ადმინისტრაციის მიერ განხორციელებულ საქმიანობებთან დაკავშირებით. ეს არის ის მნიშვნელოვანი საქმიანობები, რომელიც უზრუნველყოფს იმას, რომ 2 ოქტომბერს ამომრჩევლებს და ჩართულ მხარეებს შევთავაზოთ თავისუფალი, სამართლიანი და, რა თქმა უნდა, ჯანმრთელობისთვის უსაფრთხო  საარჩევნო გარემო“, -განაცხადა ცესკოს თავმჯდომარემ.

„შუალედური ანგარიშის პრეზენტაციას საქართველოში აკრედიტებული დიპლომატიური მისიების და საერთაშორისო ორგანიზაციების 35 წარმომადგენელი ესწრებოდა.“-ნათქვამია განცხადებაში.

ავტორი: NS (სტატია დაფინანსებულია),

სოციალური ქსელები

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა