შინაგან საქმეთა მინისტრის მოადგილემ, ალექსანდრე დარახველიძემ გაეროს ლტოლვილთა უმაღლესი კომისარიატის საქართველოს წარმომადგენლობის ხელმძღვანელთან, კემლინ ფურლისთან გაცნობითი ხასიათის შეხვედრა გამართა.

შეხვედრაზე მხარეებმა საქართველოში არსებული საერთაშორისო დაცვის სისტემა და მიმდინარე აქტუალური საკითხები განიხილეს.

ალექსანდრე დარახველიძემ კემლინ ფურლის საქართველოს შინაგან საქმეთა სამინისტროს მიგრაციის დეპარტამენტში მიმდინარე სტრუქტურული რეფორმა გააცნო, რომლის მიზანია საერთაშორისო დაცვის პროცედურების ეფექტიანობის გაზრდა.

მინისტრის მოადგილემ შეხვედრაზე, ასევე, ისაუბრა თავშესაფრის პოლიტიკისა და მისი საკანონმდებლო ჩარჩოს გაუმჯობესების გეგმებზე, რომლებიც მიზნად ისახავს საქართველოში მოქმედი თავშესაფრის სისტემის კიდევ უფრო დაახლოებას საუკეთესო ევროპულ სტანდარტთან. მხარეები აღნიშნულ პროცესში საქართველოში გაეროს ლტოლვილთა ოფისის აქტიურ ჩართულობაზე შეთანხმდნენ.

შინაგან საქმეთა მინისტრის მოადგილემ ხაზი გაუსვა თავშესაფრის მაძიებელთა და საერთაშორისო დაცვის მქონე პირთა საუკეთესო ინტერესების დაცვის უზრუნველყოფის მიზნით მხარეებს შორის მჭიდრო თანამშრომლობის მნიშვნელობას. შეხვედრის დასასრულს, ალექსანდრე დარახველიძემ კემლინ ფურლის და უმაღლესი კომისარიატის წარმომადგენლობას მადლობა გადაუხადა წლების განმავლობაში შინაგან საქმეთა სამინისტროს მხარდაჭერისთვის.

ავტორი: NS (სტატია დაფინანსებულია),

სოციალური ქსელები

ყაველაშვილი: საქართველო დაინტერესებულია დასავლეთ ბალკანეთის ქვეყნებთან ურთიერთობების გაფართოებით

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს