2021-09-08 20:11:38, 862 ნახვა
მსოფლიო
პალესტინელების განცხადებით, თუ ისრაელი ჯენინის ბანაკში შევა,ისინი შესაბამის ზომებს მიიღებენ
პალესტინის ისლამური ჯიჰადის დაჯგუფების წევრებმა განაცხადეს, რომ ისინი იბრძოლებენ ისრაელის ჯარებთან, თუ ისინი შევლენ ჯენინის ლტოლვილთა ბანაკში ისრაელის ციხიდან გაქცეული ექვსი პალესტინელი პატიმრის საძებნელად.-ინფორმაციას "ალჯაზირა" ავრცელებს.
სააგენტოს ცნობით, სამშაბათს სროლის შემდეგ, დაძაბულობა იყო ჯენინის ბანაკშიც. პალესტინელმა მებრძოლებმა პირობა დადეს, რომ მიიღებდნენ ზომებს, თუ ისრაელის ჯარები დააზარალებდნენ გაქცეულებს ან სხვა პალესტინელ პატიმრებს ისრაელის ციხეებში.
გაურკვეველია, სად იმალება ექვსი პალესტინელი. ითვლებოდა, რომ მამაკაცები ჯენინისკენ მიემართებოდნენ, სადაც მათი ოჯახები ცხოვრობენ.
ავტორი: ექსპრესნიუსი,
epn.ge (@expressnews.ge)
