2021-09-02 11:03:16, 638 ნახვა

---

კელი დეგნანი - მივესალმებით „ნაცმოძრაობის“ მიერ ხელშეკრულების ხელმოწერას, რადგან შეთანხმება წარმოადგენს ქვეყნისთვის საჭირო რეფორმების საგზაო რუკას

საქართველოში აშშ-ის ელჩი კელი დეგნანი ნაციონალური მოძრაობის მიერ შარლ მიშელის დოკუმენტზე ხელის მოწერას მიესალმება.

დეგნანის თქმით, შეთანხმება წარმოადგენს რეფორების საგზაო რუკას, რაც ძალიან მნიშვნელოვანი და საჭიროა საქართველოს სამომავლო გზის გასაძლიერებლად.

"მივესალმებით ნაციონალური მოძრაობის ამ გადაწყვეტილებას. ეს ხელმოწერა მართლაც არის კარგი ნიშანი იმისა, რომ პოლიტიკურ სივრცეში შეთანხმება შედგეს. ეს არის მნიშვნელოვანი, რათა ის რეფორმები გატარდეს, რომელიც აუცილებელია და ამ შემთხვევაში, საქართველოს ლიდერებს შორის უნდა იყოს ეს მოლაპარაკება. რა თქმა უნდა, ამერიკელი და ევროპელი მხარეები ყველანაირად ეცდებიან, რომ დაეხმარონ ამ პროცესს, მაგრამ ეს არის ქართველ ლიდერებს შორის მიმდინარე პროცესი. ეს ნიშანია, რომ ის რეფორმები, რომელიც დაგეგმილია, აუცილებლად განხორციელდება, რაც გააძლიერებს მთლიანად საქართველოს, დადებითად აისახება ქვეყნის ეკონომიკაზე და საარჩევნო პროცესსაც შეუწყობს ხელს", - განაცხადა ელჩმა.
ცნობისთვის, "ერთიანი ნაციონალური" მოძრაობის თავმჯდომარემ ნიკა მელიამ გუშინ თქვა, რომ პარტია შარლ მიშელის დოკუმენტს ხელს მოაწერს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი