„ქართული ოცნება - დემოკრატიული საქართველოს" თბილისის მერობის კანდიდატი კახა კალაძე და დედაქალაქის საკრებულოში ნაძალადევის მაჟორიტარი დეპუტატობის კანდიდატი ირაკლი ხელაძე ზღვისუბანში, კერძოდ, თემქის ხევში, მოსახლეობას შეხვდნენ და საქალაქო პარკის მოწყობის სამუშაოებს გაეცნენ.

კახა კალაძის თქმით, თემქის ხევის პარკი ერთ-ერთი მასშტაბური და კეთილმოწყობილი სივრცე იქნება დედაქალაქში.

„გვახსოვს ყველას, აქ რა ხდებოდა და როგორ იყო დაჭაობებული ყველაფერი. პირველ ეტაპზე, მთლიანად უნდა მოხსნილიყო დაჭაობებული ფენა. ყოველგვარი შეფერხების გარეშე მიმდინარეობს პროექტი და აქ იქნება საქალაქო მნიშვნელობის პარკი, რომლითაც არა მარტო ადგილობრივები, არამედ ზოგადად, თბილისის მოსახლეობა და ტურისტები ისარგებლებენ. ეს იქნება ერთ-ერთი საუკეთესო პარკი თავისი ინფრასტრუქტურით", - განაცხადა კახა კალაძემ.

საქალაქო პარკი 20 ჰექტარზე ეწყობა და ის თბილისის ერთ-ერთი დიდი რეკრეაციული სივრცე იქნება. პროექტი 2022 წლის ბოლოსთვის დასრულდება. პროექტს თბილისის მერიის გარემოს დაცვის საქალაქო სამსახური ახორციელებს. ინფრასტრუქტურული და გამწვანების სამუშაოების ღირებულება 39 280 000 ლარია.

თემქის ხევში ასევე იმყოფებოდნენ ნაძალადევის მაჟორიტარი დეპუტატები პარლამენტსა და საკრებულოში, ასევე, კახა კალაძის შტაბის ხელმძღვანელი გიორგი ამილახვარი.

ავტორი: NS (სტატია დაფინანსებულია),

სოციალური ქსელები

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა