2021-08-14 15:25:28, 840 ნახვა
საზოგადოება
გორის ტრანსპორტის სააგენტო - გორში მუნიციპალური ტრანსპორტი ჩვეული რეჟიმით იმოძრავებს
გორში მუნიციპალური ტრანსპორტის მოძრაობა ჩვეულ რეჟიმში გრძელდება. - ამის შესახებ ინფორმაციას გორის მუნიციპალიტეტის ტრანსპორტის სააგენტო ავრცელებს.
როგორც სააგენტოს განცხადებაშია ნათქვამი, ქალაქების ჩამონათვალში, სადაც მოძრაობა შეიზღუდა, გორი არ შედის.
"როგორც იცით, 14 აგვისტოდან 4 სექტემბრამდე საქართველოს ზოგიერთ ქალაქში მუნიციპალური ტრანსპორტი არ იმოძრავებს. უწყებათაშორისი საკოორდინაციო საბჭოს გადაწყვეტილებით, ამ ქალაქების ჩამონათვალში არ შედის გორი, შესაბამისად, გორში მუნიციპალური ტრანსპორტი ჩვეული რეჟიმით იმოძრავებს", - ნათქვამია სააგენტოს მიერ გავრცელებულ ინფორმაციაში.
ავტორი: ექსპრესნიუსი,
epn.ge (@expressnews.ge)
