ეკტერინე ტიკარაძემ აჭარის ა/რ ჯანდაცვის მინისტრთან ერთად კლინიკური ჯგუფის წევრებთან შეხვედრა გამართა

2021-08-13 10:27:22, 388 ნახვა

საზოგადოება

ბათუმის რესპუბლიკურ საავადმყოფოში, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ, აჭარის ა/რ ჯანმრთელობისა და სოციალური დაცვის მინისტრთან, ნინო ნიჟარაძესთან ერთად, კლინიკური ჯგუფის წევრებთან შეხვედრა გამართა.

შეხვედრაზე განხილვის საგანი იყო ინფიცირების სტატისტიკური მონაცემების ფონზე საწოლფონდისა და საჭირო სამედიცინო რესურსების მობილიზება, პაციენტების კლინიკური მართვის საკითხზე პასუხისმგებელ პირებთან მოქმედი პროტოკოლი განიხილა.

ბათუმის რესპუბლიკურ საავადმყოფოში ვიზიტისას, მინისტრი იმუნიზაციის პროცესსაც გაეცნო. აღინიშნა რომ ადგილზე, დღიურად საშუალოდ 700 ადამიანის ვაქცინაცია ხდება. ვაქცინაციის არეალი ფართოვდება და პროცესში ბათუმის შოთა რუსთაველის სახელმწიფო უნივერსიტეტი ერთვება. უახლოეს მომავალში, იქ მასობრივი იმუნიზაციის ცენტრი ამოქმედდება.
ჯანდაცვის მინისტრი ეკატერინე ტიკარაძე აჭარის რეგიონს არსებული ვითარების გათვალისწინებით, ეპიდემიოლოგიურ გამოწვევებზე რეაგირების მზადყოფნის შესაფასებლად სტუმრობს.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),