2021-08-12 18:14:51, 475 ნახვა
საზოგადოება
თევდორე მღვდლის ქუჩის N10-ში ინფრასტრუქტურა მოწესრიგდა
დიდუბის გამგეობა აქტიურად განაგრძობს რაიონში სხვადასხვა სახის დაზიანებული ინფრასტრუქტურის მოწესრიგებას.
ერთ-ერთი ასეთი პროექტი თევდორე მღვდლის ქუჩის N10-ში განხორციელდა, სადაც მოწესრიგდა, როგორც მიწისქვეშა კომუნიკაციები, ასევე, საგზაო ინფრასტრუქტურა.
პროექტის მიხედვით, წყალარინებისა და წყლის შიდა და გარე ქსელი 430 გრძივ მეტრზე შეიცვალა, ასევე, დამონტაჟდა 22 საკომუნიკაციო ჭა, ამის შემდგომ კი, 2 000 კვ.მ ფართობზე ასფალტის საფარი მოეწყო.
სამუშაოების შედეგად, 53 ოჯახს წლების განმავლობაში არსებული პრობლემა მოუგვარდა და კომფორტულად გადაადგილებას შეძლებს.
განხორციელებული სამუშაოებისთვის ბიუჯეტიდან, ჯამში, 169 773 ლარი გამოიყო.
ავტორი: NS (სტატია დაფინანსებულია),
epn.ge (@expressnews.ge)
