ISFED - ალტ-ინფოს Facebook გვერდი სიძულვილის ენის შემცველი განცხადებების გამო წაიშალა

2021-07-19 14:02:46, 691 ნახვა

საზოგადოება

„სამართლიანი არჩევნები“ (ISFED) აცხადებს, რომ Facebook-მა მათი შეტყობინების საფუძველზე წაშალა ორგანიზაცია ალტ-ინფოს გვერდი.

„ISFED-მა Facebook-ს მიმართა და ალტ-ინფოს მიერ მის პლატფორმაზე გაკეთებული სიძულვილის ენის შემცველი განცხადებებისა და ძალადობრივი ჯგუფების მობილიზების შესახებ აცნობა.

Facebook-ის შესაბამისი განყოფილების გადაწყვეტილებით, ალტ-ინფომ Facebook-ის გამოყენების წესები და პოლიტიკა დაარღვია.

„სამართლიანი არჩევნები' აგრძელებს სოციალურ მედიაში გავრცელებული ძალადობის წამახალისებელი გზავნილების მონიტორინგს და სოციალური მედიის პლატფორმების ინფორმირებას“, - აღნიშნულია ISFED-ის მიერ გავრცელებულ ინფორმაციაში.

ცნობისთვის, ალტ-ინფო მედიასაშუალებაა, რომელიც 5 ივლისს, მოქალაქეებს ქუჩაში გამოსვლისკენ და ძალადობისკენ მოუწოდებდა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან